-配合都市發展，令人囗密度高嘅特質成為我地嘅發展機遇。
-你地真係覺得冇問題？

交通

1. VO :國際諮詢公司Authur D. Little公布全球城市交通流動性指數排名，喺84個城市中，V城排名首位。我城嘅公共交通規劃一直以鐵路為主、配合都市發展，令人囗密度高嘅特質成為我地嘅發展機遇。

※燈亮，慘白的燈光下，一群人匆忙地走出，他們目無表情，有規律地向月台的不同方向走。
※一名背着背包的少年走進人群，他對匆忙的人群感到奇怪。

2. 少年:原來呢啲就係地鐵，連上落車嘅地方都大過人。但係點解好似個個人都特別忙嘅?

※少年想駐足觀看，但人太多。他被半推半撞地隨着人群走到一道幕門前。
※幕門打開，人群迅速地找到各自的位置，或站或坐。少年慢慢步入車廂，幕門徐徐地關上。

3. 少年: (驚訝)咁齊嘅?大人就話啫，連細路都係咁?

※列車開出，眾人如坐泰山、絲毫不動，只有少年站不穩、左搖右擺，動作滑稽。

4. 少年:係咪痴線嫁?揸咁快! (環顧四周)......咁靜嘅?唔通係整蠱節目?
5.少年: (向一小孩)小朋友，你跌左本書呀。

※小孩有反應，但母親阻止她。一名地鐵職員趨前。

6. 職員:(向少年) 先生，麻煩您安靜，您咁樣會騷擾到其他乘客嫁。
7. 少年:我提個男仔跌左本書咋喎，點樣嘈親人呀?更何況係佢地靜得滯，唔
係我嘈得滯。
8. 職員:車廂內應保持安靜，不應高聲討論、嬉戲或追逐，以免妨礙其他乘客 ，亦係V城嘅文化，請你務必遵守。
9. 少年:乜嘢規矩同文化嚟嫁？！ 講句嘢都唔得!咁唔通成車人都好似死老豆咁， 先至算文明呀?
10. 職員:先生，呢個唔係文唔文明嘅問題，而係我地嘅乘客只係想既安靜又快捷
咁，到達目的地 。
11. 少年:可能你真係覺得我嘈親人，但咁唔代表你係啱。搭車唔係淨係你送佢去
目的地就得，而 係一種旅程嘅享受。
12. 職員:我地公司就係要為乘客提供方便快捷嘅交通，將時間成本壓到最低，絕 對有利V城嘅經濟增長，所以乘客無需旅程嘅享受。
13. 少年:無需要？你睇下呢度，根本係一個冷冰冰嘅大鐵籠，同將啲牲畜運嚟運
去無分別！(向 乘客)你地真係覺得無問題？

14. 乘客們:(喃喃自語)搭車都係為左返工返學，講咩享受呀?平日做嘢已經好攰，可唔可以比我靜下？搭地鐵都係貪快啫，唔通搭電車咩？
15. 少年:夠啦！你地咁想過呢啲坐監咁嘅生活，咁就坐返底，繼續你地嘅安靜旅 程啦！呢種咁嘅地鐵，我以後都唔會再搭。

※列車停下，幕門打開，少年憤然離開。眾人如常有規律地離開。燈轉，少年 在街上不停打轉。

16. 少年:點解無嘅？無理由淨係得地鐵，無其他車搭㗎？。

※少年發現一輛破舊的小巴，上前細看。

17. 少年:搵左咁耐，終於都搵到一架車啦。(入內細看)

※一名老人出現。

17. 老人:細路!你喺度做咩呀?鬼鬼祟祟咁，想偷嘢呀?
18. 少年:(驚訝)我……我無惡意嫁，只係未見過呢啲車，好好奇啫。
19. 老人:你未聽過好奇心可以殺死貓咩？走啦，呢度唔啱你玩探險遊戲。
20. 少年:架車係你嫁？對您你好重要？
21. 老人: ……
22. 少年: 你唔想講就算啦，我唔會迫你。但係可唔可以車我返酒店呀?
23. 老人: 我幫你唔到，我…已經好耐冇揸小巴。你睇完好快啲走，如果唔係，我同你都會好麻煩。
24. 少年: 我睇得出你仲好鐘意揸…小巴，點解唔繼續揸啫？
25. 老人: 你喺外地嚟？好似咩都唔知咁嘅？我唔係唔想揸，而係唔可以揸。
26 少年:係咪同頭先我搭嗰架叫地鐵嘅車有關？
27. 老人:冇錯。我地嘅V城已經……

※老人語音未落，隨即有兩個警察跑出來。

28. 警察:咪郁，雙手擺頭。(向老人)你涉嫌藏有及企圖駕駛非法交通工具，依家
要拘捕你。
29. 少年: 佢咩都冇做過喎?!
30. 警察: 地鐵係V城唯一法定公共交通工具，佢私藏小巴已經犯法。
31. 老人: 架小巴係我嘅，個細路咩都唔知，放過佢啦。
※ 老人被警察帶走，小巴被拆毀，剩下少年一臉茫然，看着破碎的小巴。
※燈暗。
完

 

 

 

 

 

Revised version by Walter Ng

《交通》

演員5-15個
VO :國際諮詢公司Authur D. Little公布全球城市交通流動性指數排名，喺84個城市中，V城排名首位。我城嘅公共交通規劃一直以鐵路為主、配合都市發展，令人囗密度高嘅特質成為我地嘅發展機遇。

-地鐵
-人潮
-四面八方
-一樣嘅公事包
-一樣嘅步速
-一樣嘅表情
-少年已經分唔清佢地係咪同一個人
-月台上
-閘口
-出口A
-快
-快
-快
-快
-太快
-列車嘅車速令少年企唔穩
-有本書跌左落黎
-第二、三本書跌左落黎
-少年問
-先生你跌左本書啊
-噓
-噓
-噓
-請勿在車廂中騷擾其他乘客
-或嬉戲
-或追逐
-建設安靜
-舒適
-快速
-嘅v 城
-你我有責
-少年開始發狂
-搭車應該係一種旅程嘅享受黎架
-噓
-噓
-噓
-請勿在車廂中騷擾其他乘客
-或嬉戲
-或追逐
-建設安靜
-舒適
-快速
-嘅v 城
-你我有責
-在座嘅你地真係覺得冇問題？
-國際諮詢公司Authur D. Little公布全球城市交通流動性指數排名
-唔講得野
-喺84個城市中，V城排名首位。
-唔通要成車人好似死老豆咁？
-我城嘅公共交通規劃一直以鐵路為主
-呢度同冷冰冰嘅鐵籠根本就冇分別
-配合都市發展，令人囗密度高嘅特質成為我地嘅發展機遇。
-你地真係覺得冇問題？

-一樣嘅公事包
-冇理由
-一樣嘅步速
-點解咁㗎
-一樣嘅表情
-冇理由嘅
-少年已經分唔清佢地係咪同一個人
-除左地鐵就冇另一種交通工具？

-少年係街上面行
-發現左一架車
-一架小巴
-小巴
-小...
-噓！
-老人出現
-鬼鬼崇祟咁，想偷野？
-少年話佢未見過呢架車
-第一次見
-第一次見
-架車你㗎？
-呢度唔岩你玩冒險遊戲
-車我返酒店丫
-呢度唔岩你玩冒險遊戲
-有咩野係唔講得？
-呢度唔岩你玩冒險遊戲
-唔想講就算
-老人話
-再唔走，大家都會好麻煩
-好奇心殺死貓
-我都好想揸
-但唔揸得
-唔揸得
-唔揸得
-故事同鐵路有關？

-舉高雙手
-而家懷疑你地私藏違法交通工具
-依家要拘捕你地
-我地咩都冇做過啊
-小巴係我嘅
-放過個男仔
-違法交通工具
-違法交通工具
-違法交通工具
-拆左架小巴

-少年一臉茫然

完